
Real Madridi ka nisur bisedimet me Jude Bellinghamin për rinovimin e kontratës dhe është i gatshëm t’i ofrojë mesfushorit anglez një pagë prej 22 milionë eurosh në sezon, raporton mediumi spanjoll Okdiario.
Bellingham dëshiron të vazhdojë karrierën në “Santiago Bernabeu”, ndërsa diskutimet e para mes palëve kanë qenë pozitive. Megjithatë, deri më tani nuk është arritur ndonjë marrëveshje përfundimtare.
Sipas raportimit, anglezi kërkon garanci për ambiciet sportive të klubit dhe projektin që Real Madridi synon ta ndërtojë në vitet e ardhshme.
Oferta e propozuar prej 22 milionë eurosh në sezon do ta vendoste Bellinghamin në të njëjtin nivel page me Vinicius Juniorin, duke e bërë njërin prej futbollistëve më të paguar në skuadrën madrilene.
Bisedimet pritet të vazhdojnë në javët në vijim, me të dyja palët që kanë shprehur dëshirën për të gjetur një marrëveshje.
The post Real Madridi nis bisedimet me Bellinghamin, gati t’i ofrojë 22 milionë euro në sezon appeared first on Gazeta Express.