Rastet e ngjashme me atë të Kosovës në Itali e Suedi; Bosch: Kërkimi i azilit është e drejtë e çdo individi

Largimi i nëntë shtetasve somalezë nga akomodimi i tyre gjatë një vizite zyrtare në Kosovë dhe mungesa e tyre në fluturimin e kthimit nuk përbën një rast të izoluar në kontinentin evropian. Robert Bosch, ish-ambasador i Holandës në Kosovë, në një deklaratë për “Bota sot”, theksoi se incidente të tilla ndodhin herë pas here edhe në vende të tjera demokratike. Sipas tij, vendimi i individëve për të kërkuar azil nuk duhet ta ngarkojë shtetin pritës me përgjegjësi.

“Këto situata shfaqen herë pas here në shumë demokraci dhe nuk janë faji ynë.

Një ngjarje e ngjashme u regjistrua në Itali në maj të vitit 2026, kur tre zyrtarë të Departamentit të Imigracionit të Gambisë u larguan gjatë një programi zyrtar trajnimi. Sipas medias gambiane “The Standard”, ata ishin pjesë e një delegacioni prej 20 zyrtarësh që po ndiqnin trajnime për menaxhimin e migracionit dhe sigurinë kufitare. Departamenti i Imigracionit i Gambisë konfirmoi largimin e tyre dhe njoftoi se kishte kërkuar ndihmën e autoriteteve italiane dhe evropiane për gjetjen e tyre.

Në korrik të vitit 2026, një tjetër rast u raportua në Suedi pas përfundimit të turneut ndërkombëtar të futbollit për të rinj, “Gothia Cup”, në Göteborg. Rreth 20 futbollistë të rinj nga Etiopia, të moshës 14 deri në 17 vjeç, u larguan nga akomodimi pa njoftuar organizatorët. Policia suedeze konfirmoi se ata nuk ishin kthyer në Etiopi dhe se largimi dukej vullnetar, ndërsa Federata e Futbollit e Etiopisë sqaroi se grupi nuk përfaqësonte ekipin kombëtar.

Në rastin e Kosovës, delegacioni somalez kishte mbërritur më 25 tetor 2026. Sipas notës verbale të Ministrisë së Punëve të Jashtme dhe Diasporës, nëntë personat u larguan nga kompleksi “Dua Village” më 27 tetor, rreth orës 19:10. Mungesa e tyre u vërejt të nesërmen gjatë përgatitjeve për transportin drejt aeroportit. Institucionet e Kosovës kanë kërkuar bashkëpunimin e autoriteteve somaleze për të sqaruar vendndodhjen e tyre, ndërsa statusi i tyre mbetet i paqartë.

The post Rastet e ngjashme me atë të Kosovës në Itali e Suedi; Bosch: Kërkimi i azilit është e drejtë e çdo individi appeared first on Gazeta Express.

Original post Here

News
Fitore me rikthim, Ballkani e mposht Gjilanin në Suharekë

Ballkani ka marrë një fitore të madhe ndaj Gjilanit, duke triumfuar me rikthim. Në ndeshjen e luajtur në stadiumin e qytetit në Suharekë, Ballkani u rikthye nga disavantazhi prej 1-0, për të fituar në fund me shifrat prej 3-1. Golin e parë në ndeshje e shënoi Armend Thaqi nga penalltia, …

News
Bayerni po e konsideron shitjen e Jamal Musialas, gjigantët e Premierligës i vihen pas

Jamal Musiala u rikthye në fushë me Bayern Munichun në barazimin 1-1 ndaj Kolnit të premten mbrëma, në një tjetër mbrëmje zhgënjyese për kampionët e Bundesligës. E ardhmja e reprezentuesit gjerman te Bayerni duket e pasigurt pas deklaratave të fundit të Karl-Heinz Rummenigges, kryetarit të bordit ekzekutiv të klubit, i …

News
Anija që po shkonte drejt Rusisë ende në flakë pas sulmit në Gjirin e Finlandës

Përpjekjet për shpëtimin e ekuipazhit dhe shuarjen e zjarrit po vazhdojnë në një anije mallrash ruse, e cila u godit nga një sulm me dron në pjesën lindore të Gjirit të Finlandës, kanë bërë të ditur autoritetet, raporton BBC. Anija – Sparta II – ishte nisur drejt enklavës ruse të …