
Ballkani ka marrë një fitore të madhe ndaj Gjilanit, duke triumfuar me rikthim.
Në ndeshjen e luajtur në stadiumin e qytetit në Suharekë, Ballkani u rikthye nga disavantazhi prej 1-0, për të fituar në fund me shifrat prej 3-1.
Golin e parë në ndeshje e shënoi Armend Thaqi nga penalltia, në minutën e 74-të.
Gjashtë minuta më vonë, Ballkani e barazoi rezultatin me anë të Albin Berishës.
Golin e epërsisë për Ballkanin e shënoi Dijar Nikqi tetë minuta më vonë.
Goditjen e fundit Gjilanit ia dha Abou Dosso, në minutën e 94-të.
Gjilani luajti me një lojtar më pak nga minuta e 86-të, kur Arbër Potoku u ndëshkua me kartonin e dytë të verdhë.
Me këtë fitore, Ballkani shkon në kuotën e 22 pikëve, aq sa ka edhe Gjilani./GazetaExpress/
The post Fitore me rikthim, Ballkani e mposht Gjilanin në Suharekë appeared first on Gazeta Express.