U dënua me 18 vjet burgim, rasti u kthye në rigjykim – Endrit Nika sot përballet sërish me akuzën për vrasje të rëndë

Në Gjykatën Themelore në Prishtinë, sot, më 20 nëntor, pritet të vazhdojë rigjykimi ndaj Endrit Nikës, i akuzuar për vrasjen e rëndë të shtetases argjentinase Maria Clara Urdangaray, e cila humbi jetën pasi ra nga dritarja e katit të gjashtë të një hoteli në Fushë-Kosovë.

Nika ishte dënuar me 18 vjet burgim më 19 shkurt 2026. Gjykata e Apelit e anuloi aktgjykimin pasi aprovoi ankesën e mbrojtjes dhe e ktheu çështjen në rigjykim. Në seancën e parë të rigjykimit, më 1 shtator, Nika u deklarua i pafajshëm.

Çfarë thotë aktakuza

Sipas Prokurorisë Themelore në Prishtinë, ngjarja ndodhi më 1 gusht 2023, në hotelin “Sonoma” në Fushë-Kosovë. Prokuroria pretendon se, pas një mosmarrëveshjeje, Nika e goditi partneren e tij dhe tentoi ta shkelte me veturë në parkingun e hotelit.

Sipas aktakuzës, goditjet dhe shtyrjet vazhduan në dhomën e hotelit. Prokuroria pretendon se si pasojë u shkëput korniza e dritares dhe Urdangaray ra nga kati i gjashtë. Ajo pësoi lëndime të rënda dhe ndërroi jetë në Qendrën Klinike Universitare të Kosovës.

Mbrojtja e kundërshton versionin e Prokurorisë dhe pretendon se rënia ishte aksidentale, duke vënë në pikëpyetje sigurinë e dritares së hotelit.

Në seancën e 12 tetorit, recepsionistja e hotelit dëshmoi se kishte dëgjuar një zhurmë të fortë dhe se, kur doli jashtë, e pa Urdangarayn të shtrirë mes xhamave të thyer. Sipas dëshmisë së saj, argjentinasja ishte ende gjallë dhe kërkonte ujë.

Pse Apeli e anuloi dënimin

Gjykata e Apelit konstatoi shkelje procedurale që lidheshin me përbërjen e trupit gjykues, të drejtën e të akuzuarit për përkthim dhe arsyetimin për mbylljen e një pjese të seancës për publikun.

Apeli kërkoi që në rigjykim të dëgjohen roja i hotelit dhe dy infermieret që shkuan në vendin e ngjarjes, si dhe që gjykata të krahasojë ekspertizën e paraqitur nga mbrojtja në procedurën e ankesës me atë të shqyrtuar në gjykimin e parë.

The post U dënua me 18 vjet burgim, rasti u kthye në rigjykim – Endrit Nika sot përballet sërish me akuzën për vrasje të rëndë appeared first on Gazeta Express.

Original post Here

News
Erdogan njofton përforcimin e ushtrisë turke me aeroplanin Bayraktar Kızılelma

Presidenti turk, Recep Tayyip Erdogan, ka njoftuar se aeroplani i parë luftarak pa pilot i Turqisë, Bayraktar Kızılelma, i është shtuar inventarit të Forcave të Armatosura Turke, pas përfundimit me sukses të testeve të pranimit. Erdogan e cilësoi këtë zhvillim si një ditë historike dhe rezultat të viteve të tëra …

News
Sot varrosen dy të rinjtë nga Rahoveci që vdiqën tragjikisht në Gjermani

Dy të rinjve nga Rahoveci, Leart Morina dhe Berhan Zeka, të cilët humbën jetën tragjikisht në Gjermani, do t’u jepet sot lamtumira e fundit. Ceremonitë mortore do të mbahen në fshatin Sapniq të Rahovecit, ku familjarët, të afërmit dhe qytetarët do të kenë mundësinë t’i përcjellin për në banesën e …

News
Kuvendi shpall masa emergjente për energjinë, do të jenë në fuqi për 60 ditë

Kuvendi i Kosovës ka miratuar pas mesnatës vendimin e Qeverisë për vendosjen e masave emergjente në furnizimin me energji elektrike, të cilat do të jenë në fuqi për 60 ditë. Vendimi mori mbështetjen e 61 deputetëve, ndërsa pika u përfshi në rendin e ditës përmes një mocioni, gjatë seancës që …