Real Madridi kërkon fitoren e nëntë radhazi, Celta Vigo udhëton në “Bernabeu”

Real Madridi rikthehet sonte në aksion në La Liga, pas pauzës për ndeshjet e kombëtareve, me synimin për ta vazhduar serinë fantastike të rezultateve pozitive.

Skuadra e drejtuar nga Jose Mourinho do të përballet me Celta Vigon, në kuadër të xhiros së 13-të të kampionatit spanjoll. Ndeshja zhvillohet në stadiumin “Santiago Bernabeu”, me fillim nga ora 21:00.

“Los Blancos” po kalojnë një periudhë të shkëlqyer, pasi kanë regjistruar tetë fitore radhazi në të gjitha garat. Tashmë, objektivi është fitorja e nëntë, e cila do t’i mundësonte skuadrës madrilene të vazhdojë presionin ndaj Barcelonës në garën për titullin.

Real Madridi gjendet në pozitën e dytë me 30 pikë, vetëm tri më pak se lideri Barcelona. Një fitore eventuale do ta barazonte përkohësisht me pikë rivalin e madh katalunas.

Vëmendja do të jetë edhe te Kylian Mbappe, i cili po kalon formë të jashtëzakonshme. Sulmuesi francez ka shënuar në shtatë ndeshjet e fundit radhazi për Real Madridin, duke realizuar nëntë gola gjatë kësaj periudhe.

Në dispozicion të Mourinhos do të jetë edhe Vinicius Junior, i cili rikthehet pas përfundimit të pezullimit. Ndërkohë, Rodrygo, Ferland Mendy dhe Raul Asencio janë në mesin e mungesave, kurse Aurelien Tchouameni mbetet në dyshim.

Në anën tjetër, Celta Vigo nuk po kalon formë të mirë në kampionat. Skuadra galiciane renditet në pozitën e 11-të me 13 pikë, ndërsa ka regjistruar vetëm dy fitore në 12 ndeshjet e para.

Megjithatë, mysafirët kanë një arsye për të besuar në befasinë e radhës, pasi sezonin e kaluar kishin triumfuar 2:0 në “Santiago Bernabeu”.

Real Madridi synon të mos lejojë përsëritjen e atij rezultati, ndërsa përballja e sontme mund të jetë një tjetër hap i rëndësishëm në garën për titullin e La Ligës.

.

The post Real Madridi kërkon fitoren e nëntë radhazi, Celta Vigo udhëton në “Bernabeu” appeared first on Gazeta Express.

Original post Here

News
Ngacmoi ish të dashurën, arrestohet një burrë në Podujevë

Një burrë është arrestuar në Podujevë pasi në vazhdimësi kishte ngacmuar ish të dashurën, ka njoftuar Policia e Kosovës. Policia tha se me vendim të prokurorit, ai u dërgua në mbajtje. “Podujevë  09.11.2026 – 09:53. Është arrestuar i dyshuari mashkull kosovar, pasi që në vazhdimësi kishte ngacmuar viktimën femër kosovare, …

News
Trump e quajti Putinin “mik”, Zelensky: Ai është vrasës për ne e shumicën e botës

Presidenti i Ukrainës, Volodymyr Zelensky, e ka cilësuar Vladimir Putinin si një “vrasës”, në përgjigje të deklaratës së Donald Trumpit, i cili iu referua liderit rus si “miku im” gjatë vizitës së tij në Kinë këtë javë. Duke folur për CNN, Zelensky tha se është në dorën e presidentit amerikan …

News
Jakup Krasniqi sot përfundon vizitën humanitare në Kosovë

Vizita humanitare e ish-kryetarit të Kuvendit të Kosovës, Jakup Krasniqi, në Kosovë përfundon sot. Krasniqi pritet të largohet nga shtëpia e tij në lagjen Velania të Prishtinës rreth orës 14:00, ndërsa kthimi i tij në Hagë, me aeroplan special, është paraparë të bëhet në orën 15:00. Qëndrimi i tij në …